Оточ Манрамба Их Сургуулийн 2014 оны Шилдэг төгсөгч, УАУ-ы их эмч, магистр С.Гэрэл-Эрдэнэ өнөөдөр /2024.05.10/ Оточ Манрамба Их Сургуулийн оюутнуудад "УЛАМЖЛАЛТ АНАГААХ УХААН ДЭЛХИЙ ДАХИНД" сэдвээр лекц уншлаа. Тэрбээр Европт уламжлалт анагаах ухааны эмч мэргэжлээрээ ажиллаж байгаа бөгөөд эх орондоо түр хугацаанд ирж, төрөлх сургуулийнхаа дүү нарт өөрийн туршлагаа хуваалцсан нь оюутан залууст тун хэрэгтэй мэдлэг байв. С.Гэрэл-Эрдэнэ эмч Оточ Манрамба Их Сургууль нь дэлхийд 3-хан байдаг шүнгийн сургалттай уламжлалт анагаах ухааны шилдэг сургууль гэдгийг онцлоод, "Та бүхэн Харвардаас ч илүү онцлог ховор сургуулийн оюутнууд шүү, Оточ Манрамба Их Сургуулийн төгсөгч эмч нар хаана ч үнэ цэнтэй" гэж хэлсэн нь оюутнуудын цаашдын сурах хүсэл эрмэлзлийг улам бүр бадраалаа.