Шинээр элссэн оюутны мэдээллийг БЕГ-ын HEMIS-т бүртгэж оруулснаар тухайн оюутан E-Mongolia-д нэвтрэн картаа захиалах боломжтой болно. Тиймээс 1-р курст орж буй оюутнууд хичээл эхэлсний дараа картаа захиалан хүргүүлээд аваарай

2 ба түүнээс дээш курсын оюутнууд картаа одоо шууд E-Mongolia-аар захиалаад хүссэн газартаа хүргүүлээд аваарай.

Карт захиалахдаа E-Mongolia апп эсвэл веб рүү өөрийн бүртгэлээр нэвтрэн орно. Үйлчилгээ цэсээс "Оюутны автобусны карт" үйлчилгээг сонгон орно.

Энгийн оюутны карт авах бол шинээр захиалах дээр даран өөрийн хувийн мэдээллийг бөглөнө. Хүргүүлэн авах хаягаа оруулан, төлбөрөө төлж Монгол шуудан /Mongol shuudan/-аар хүргүүлэн авна.

Картны үнэ 4600₮, гэрийн хаягаар хүргүүлэх бол нэмэлт 4000₮,

Оюутны картыг гэрийн хаягаар хүргүүлэхээс гадна Улаанбаатар смарт карт ХХК-ийн Драгон, Дүнжингарав, Сүхбаатарын талбайн зүүн талд байрлах City tower-ийн 4 давхар гэсэн 3 сонголтоос өөрт ойрхон салбарыг сонгон оюутнууд өөрсдөө очиж авч болно.

Картыг жил бүр сунгуулахгүй төгсөн төгстлөө ашиглах боломжтой.

Сар бүр 44 удаа нийтийн тээвэрт үнэ төлбөргүй зорчино.